Himno di Kòrsou
Lanta nos bos ban kanta
grandesa di Kòrsou;
Kòrsou isla chikitu
baranka den laman!
Kòrsou nos ta stima bo
ariba tur nashon.
Bo gloria nos ta kanta
di henter nos kurason.
Nos pueblo tin su lucha,
ma semper nos tin fe
di logra den tur tempu
viktoria ku trabou!
Ban duna di nos parti
p’e isla prospera.
laga nos uni forsa
p’asina triunfa.
Nos patria nos ta demostra
onor i lealtat,
meskos na e bandera
union di nos nashon.
Nos bida lo ta poko
pa duna nos pais,
luchando uni pa libertat,
amor i komprenshon.
I ora nos ta leu fo’i kas
nos tur ta rekorda
Kòrsou, su solo i playanan,
orguyo di nos tur.
Laga nos gloria Kreado
tur tempu i sin fin,
k'el a hasi nos digno
di ta yu di Kòrsou!
